ਕਰਨਾਲ ਦੇ ਵਿਅਕਤੀ ਨੇ ਕੀਤਾ ਕੋਰੀਅਰ, ਅਮਰੀਕਾ ਭੇਜੀ ਜਾ ਰਹੀ ਸੀ ਅਫੀਮ

ਬੀਬੀਐਨ ਨੈਟਵਰਕ ਪੰਜਾਬ ਹਰਿਆਣਾ ਬਿਊਰੋ, 25 ਜੁਲਾਈ

ਇੱਕ ਵਾਰ ਫਿਰ ਕੋਰੀਅਰ ਕੰਪਨੀ ਰਾਹੀਂ ਅਫੀਮ ਨੂੰ ਛੁਪਾ ਕੇ ਅਮਰੀਕਾ ਭੇਜਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਅਮਰੀਕੀ ਕੋਰੀਅਰ ਕੰਪਨੀ ਡੀਐਚਐਲ ਨੇ ਜਾਂਚ ਦੌਰਾਨ ਨਸ਼ਿਆਂ ਦੀ ਮੌਜੂਦਗੀ ਬਾਰੇ ਉਦਯੋਗ ਵਿਹਾਰ ਥਾਣੇ ਨੂੰ ਸੂਚਿਤ ਕੀਤਾ। ਕੂਰੀਅਰ ਕੰਪਨੀ ਦੇ ਸੁਰੱਖਿਆ ਅਧਿਕਾਰੀ ਨੇ ਦੱਸਿਆ ਕਿ ਜਦੋਂ ਉਹ ਕੋਰੀਅਰ ਦੀ ਜਾਂਚ ਕਰ ਰਹੇ ਸਨ ਤਾਂ ਇੱਕ ਡੱਬੇ ਵਿੱਚ ਨਸ਼ੀਲੇ ਪਦਾਰਥਾਂ ਦੀ ਮੌਜੂਦਗੀ ਬਾਰੇ ਸੂਚਨਾ ਮਿਲੀ। ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਕੋਰੀਅਰ ਦੀ ਜਾਂਚ ਕੀਤੀ, ਦੱਸ ਦਈਏ ਕਿ ਜਿਸ ਦੌਰਾਨ ਹਾਈਡ੍ਰੋਲਿਕ ਜੈਕ ਬਾਕਸ 'ਚੋਂ 65 ਗ੍ਰਾਮ ਅਫੀਮ ਬਰਾਮਦ ਹੋਈ, ਜਾਂਚ 'ਚ ਪਤਾ ਲੱਗਾ ਕਿ ਕਰਨਾਲ ਦੇ ਰਹਿਣ ਵਾਲੇ ਸ਼ਕਤੀ ਸਿੰਘ ਨੇ ਇਹ ਕੋਰੀਅਰ ਅਮਰੀਕਾ ਲਈ ਬੁੱਕ ਕਰਵਾਇਆ ਸੀ। ਇਸ ਤੋਂ ਪਹਿਲਾਂ ਵੀ ਇਸੇ ਕੋਰੀਅਰ ਕੰਪਨੀ ਵੱਲੋਂ ਦੋ ਵਾਰ ਅਮਰੀਕਾ ਅਤੇ ਕੈਨੇਡਾ ਨੂੰ ਕੋਰੀਅਰ ਰਾਹੀਂ ਨਸ਼ੀਲੇ ਪਦਾਰਥ ਭੇਜਣ ਦਾ ਮਾਮਲਾ ਸਾਹਮਣੇ ਆ ਚੁੱਕਾ ਹੈ। ਪੁਲਿਸ ਨੇ ਦੱਸਿਆ ਹੈ ਕਿ ਹਾਈਡ੍ਰੌਲਿਕ ਜੈਕ ਲੋਹੇ ਦਾ ਬਣਿਆ ਹੈ। ਅਫੀਮ ਨੂੰ ਕੱਟ ਕੇ ਛੁਪਾਇਆ ਹੋਇਆ ਸੀ।