ਬੀਬੀਐਨ ਨੈਟਵਰਕ ਪੰਜਾਬ,ਬਰਨਾਲਾ ਬਿਊਰੋਂ,20 ਨਵੰਬਰ
ਪੰਜਾਬ ਸ਼ਹੀਦਾਂ ਅਤੇ ਦੇਸ਼—ਭਗਤਾਂ ਦੀ ਧਰਤੀ ਹੈ।ਇੱਥੇ ਹੀ ਅਨੇਕਾਂ ਹੀ ਲੋਕਾਂ ਨੇ ਆਜ਼ਾਦੀ ਲਈ ਆਪਣਾ ਬਲੀਦਾਨ ਦੇ ਕੇ ਅਮਰ ਸ਼ਹੀਦ ਹੋ ਗਏ।ਇਹਨਾਂ ਦੇਸ਼ ਭਗਤਾਂ ਦੀਆਂ ਕਈ ਲੋਕ ਉਹਨਾਂ ਦੀਆਂ ਚੰਗੀਆਂ ਨੀਤੀਆਂ ਅਤੇ ਸਿੱਖਿਆਵਾਂ ਦਾ ਅਨੁਵਾਦ ਕਰਨ ਲਈ ਕਈ ਕਿਤਾਬਾਂ ਲਿਖਦੇ ਹਨ।ਇਸ ਤਰ੍ਹਾਂ ਹੀ ਇੱਕ ਨਵੀਂ ਕਿਤਾਬ ਭਗਤ ਸਿੰਘ ਦੇ ਬਾਰੇ ਲਿਖੀ ਗਈ ਹੈ।ਜਿਸਦਾ ਮੁੱਲ 200 ਰੁਪਏ ਹੈ ,ਜਿਸ ਵਿੱਚ 168 ਪੰਨੇ ਹਨ।
ਸ. ਭਗਤ ਸਿੰਘ ਭਾਰਤੀ ਆਜ਼ਾਦੀ ਦੇ ਸੰਘਰਸ਼ ’ਚ ਮਹੱਤਵਪੂਰਨ ਅਤੇ ਵਿਲੱਖਣ ਸਥਾਨ ਰੱਖਣ ਵਾਲਾ ਇਨਕਲਾਬੀ ਯੋਧਾ ਸੀ।ਜਿਸ ਨੇ ਆਪਣੀ ਸੋਚ ਸਦਕਾ ਭਾਰਤੀ ਨੌਜਵਾਨਾਂ ਦੇ ਦਿਲ ’ਚ ਇਕ ਕ੍ਰਾਂਤੀਕਾਰੀ ਚਿੰਗਾਰੀ ਚਲਾਈ ਹੈ ਜਿਹੜੀ ਆਪਣੀ ਮਿਸਾਲ ਆਪ ਹੈ। ਆਮ ਤੌਰ ’ਤੇ ਆਮ ਵਿਅਕਤੀ ਭਗਤ ਸਿੰਘ ਨੂੰ ਹਥਿਆਰ ਹੱਥ ’ਚ ਫੜ ਕੇ ਅੰਗਰੇਜ਼ੀ ਸ਼ਾਸਨ ਨੂੰ ਵੰਗਾਰਦਾ ਹੀ ਖਿਆਲ ਕਰਦਾ ਹੈ।ਪਰ ਅਜਿਹਾ ਨਹੀਂ ਸੀ ਉਹ ਇਕ ਪੜ੍ਹਨ ਲਿਖਣ ਵਾਲਾ ਸੋਚਵਾਨ ਅਤੇ ਵਿਅਕਤੀ ਸੀ ।ਜਿਸ ਦੇ ਵਿਚਾਰ ਅੱਜ ਵੀ ਸਾਰਥਕ ਹਨ।ਭਗਤ ਸਿੰਘ ਹਮੇਸ਼ਾ ਸੱਚ ਲਈ ਲੜਦਾ ਸੀ।ਉਸ ਦੇ ਪੜ੍ਹਨ ਲਿਖਣ ਅਤੇ ਵਿਚਾਰਧਾਰਕ ਤੌਰ ’ਤੇ ਪਕਿਆਈ ਨੂੰ ਪੇਸ਼ ਕਰਦੀਆਂ ਹਨ। ਸ. ਭਗਤ ਸਿੰਘ ਦੀਆਂ ਲਿਖਤਾਂ ਵੀ ਉਪਲਬਧ ਹਨ ਜਿਨ੍ਹਾਂ ਦੀ ਆਪਣੀ ਹੀ ਇਤਿਹਾਸਕ ਮਹੱਤਤਾ ਹੈ। ਇਸ ਪੁਸਤਕ ਸੰਦੀਪ ਕੌਰ ਸੇਖੋਂ ਦੁਆਰਾ ਲਿਖੀ ਗਈ ਹੈ‘ਸ਼ਹੀਦ—ਏ—ਆਜ਼ਮ ਭਗਤ ਸਿੰਘ ਦੀ ਜੇਲ੍ਹ ਡਾਇਰੀ’ ਇਸੇ ਸੰਦਰਭ ’ਚ ਅਹਿਮ ਪੁਸਤਕ ਹੈ।ਇਹਨਾਂ ਵਿੱਚ ਪੁਸਤਕ ’ਚ ਜਿੱਥੇ ਭਗਤ ਸਿੰਘ ਦੁਆਰਾ ਸੰਸਾਰ ਪ੍ਰਸਿੱਧ ਚਿੰਤਕਾਂ ਦੀਆਂ ਕੁਟੇਸ਼ਨਾਂ ਦਰਜ ਕੀਤੀਆਂ ਗਈਆਂ ਹਨ। ਉੱਥੇ ਹੀ ਬੜੀ ਤਰਤੀਬ ਨਾਲ ਭਗਤ ਸਿੰਘ ਦੇ ਮੌਲਿਕ ਵਿਚਾਰ ਵੀ ਦਰਜ ਕੀਤੇ ਗਏ ਹਨ। ਆਮ ਤੌਰ ’ਤੇ ਪਾਠਕ ਇਸ ਪੁਸਤਕ ਨੂੰ ਪੜ੍ਹਦਿਆਂ ਇਹ ਮਹਿਸੂਸ ਕਰਦਾ ਹੈ ਕਿ ਭਗਤ ਸਿੰਘ ਕਿੰਨਾ ਗਿਆਨਵਾਨ ਸੀ ਜਦ ਕਿ ਪੁਸਤਕ ਨੂੰ ਪੜ੍ਹਨ ਤੋਂ ਪਹਿਲਾਂ ਇਹੀ ਜਾਪਦਾ ਹੈ ਕਿ ਸ਼ਾਇਦ ਪੁਸਤਕ ’ਚ ਕੇਵਲ ਜੇਲ੍ਹ ਦੇ ਅਨੁਭਵ ਹੀ ਦਰਜ ਕੀਤੇ ਹੋਣਗੇ। ਇਸ ਪੁਸਤਕ ’ਚ ਅਨੁਵਾਦਕਾ ਨੇ ਸਭ ਤੋਂ ਪਹਿਲਾਂ ਭਗਤ ਸਿੰਘ ਦੇ ਭਾਣਜੇ ਜਗਮੋਹਨ ਸਿੰਘ ਦੇ ਵਿਚਾਰ ਦਰਜ ਕੀਤੇ ਹਨ। ਉਸ ਤੋਂ ਬਾਅਦ ਪੁਸਤਕ ਦੀ ਸਫ਼ਾ ਵੰਡ ਕਰ ਕੇ ‘ਆਜ਼ਾਦੀ ਦੀ ਸਪਿਰਟ’, ‘ਸਮਾਜਿਕ ਵਿਗਿਆਨ’, ‘ਰਾਜ ਵਿਗਿਆਨ ਅਤੇ ਭਾਰਤ ਦੇਸ਼ ਬਾਰੇ ਵਿਚਾਰਾਂ’ ਨੂੰ ਪੇਸ਼ ਕੀਤਾ ਹੈ। ਇਸ ਪੁਸਤਕ ਵਿਚ ਬਾਕਾਇਦਾ ਰੂਪ ਚ ਤੱਥਾਤਮਕ ਜਾਣਕਾਰੀ ਦਿੱਤੀ ਗਈ ਹੈ। ਚਿੰਤਕਾਂ ਦੇ ਵਿਚਾਰਾਂ ਦੀ ਰੋਸ਼ਨੀ ’ਚ ਵੀ ਭਗਤ ਸਿੰਘ ਨੇ ਆਪਣੀ ਵਿਚਾਰਧਰਾਈ ਪਹੁੰਚ ਸਪੱਸ਼ਟ ਕੀਤੀ ਹੈ।
